Në Universitetin “Ukshin Hoti” në Prizren të mërkurën është mbajtur provimi pranues për regjistrimin e studentëve të rinj në vitin akademik 2023/2024, në afatin e parë. Prof. Asoc. Dr. Mentor Alishani, së bashku me stafin e menaxhmentit dhe përfaqësuesit e Parlamentit Studentor, ka ndjekur me kujdes dhe përkushtim të gjithë procesin e organizimit dhe zhvillimit të provimit pranues. Rektori dhe stafi i universitetit u dëshiron suksese të gjithë kandidatëve që i janë nënshtruar provimit pranues, duke i siguruar se pranimi do të bëhet mbi bazën e meritës. Po ashtu Rektori theksoi se kandidatët e pakënaqur mund ta shfrytëzojnë të drejtën e ankimimit.
Ne jemi të bindur se kandidatët e zgjedhur do të marrin një edukim cilësor dhe të përgatitur me kujdes, pasi që i universiteti i pret me staf akademik tepër të përkushtuar.
Për informacione të mëtejshme rreth rezultateve të provimit pranues, procedurave të regjistrimit, ju sugjerojmë të ndiqni uebfaqen zyrtare të Universitetit.
Ju urojmë suksese të gjithë kandidatëve dhe jemi të lumtur për interesimin për të ndjekur studimet në Universitetin tonë.
