Ministria e Arsimit, Shkencës , Tekonologjisë dhe Inovacionit (MASHTI) ka rikonfirmuar se periudha e parë e vitit shkollor 2021/22 përfundon më 30 dhjetor, ndërsa pushimi dimëror fillon nga 31 dhjetori në të gjitha nivelet e arsimit parauniversitar.
MASHTI ka bërë të ditur se periudha e dytë e këtij viti shkollor nisë më 10 janar 2022.
“Duke qenë se është duke u zbatuar vendimi për kompensimin e 18 ditëve të humbura mësimore si pasojë e gjendjes me pandeminë, edhe datat 28, 29 dhe 30 dhjetor (ditë të pushimit dimëror sipas Kalendarit shkollor), do të jenë ditë mësimi. Rikujtojmë se kompensimi i ditëve të humbura të mësimit po bëhet sipas rekomandimeve nga Task-forca në nivel të MAShTI-t, ku përfaqësohen të gjitha institucionet relevante si: IKShPK, SBAShK, Këshilli i Prindërve dhe Drejtoritë Komunale të Arsimit”, thuhet nga MASHTI.
Në vendimin e 28 shtatorit për kompensimin e ditëve të humbura shkaku i pandemisë, ishte vendosur që ndër të tjera në dhjetor të punohej pos dy të shtuna, edhe 28 dhjetor, 29 dhjetor e 30 dhjetor të jenë ditë pune.