Kryeministri i Kosovës, Albin Kurti ka thënë se Kosova ka bërë çka është dashur që Bashkimi Evropian të heqë masat ndëshkuese të vendosura rreth një vit më parë.

Kreu i ekzekutivit theksoi se këto masa i janë vendosur vendit tonë padrejtësisht, dhe se sipas tij, presioni duhet të jetë mbi Beogradin.

“Kjo nuk varet prej neve, krejt çka varet prej neve tashmë ka ndodhur. Ne u patëm ndëshkuar padrejtësisht. Ndodhi deeskalimi por më pastaj edhe rieeskalimi në shtator të vitit të kaluar. Tash gjendja sërish ka deeskaluar. A do të rieeskalojë, adresa është në Beograd dhe presioni duhet të jetë aty. Mendoj se heqja e këtyre masave që po vonohet ka të bëjë me dinamikat e brendshme në BE, sidomos me zgjedhjet që pritet të mbahen”, tha Kurti.

/Sinjali/