Kryetari i Komisionit për legjislacion, Shkëmb Manaj, në seancën dëgjimore të Gjykatës Kushtetuese, ka treguar se si është shqyrtuar çështja e deputetit Etem Arifi në këtë komision.
Sipas tij, në asnjë dispozitë të rregullores së Kuvendit, s’flitet për humbje të mandatit, pos në rastin kur nuk paraqitet në Kuvend për më shumë se gjashtë muaj.
“Komisioni, me datën 12 maj të këtij viti, e ka shqyrtuar shkresën e kryetares së Kuvendit Osmani dhe ka konstatuar se asnjë dispozitë e rregullores së Kuvendit nuk flet për rastet kur deputeti e humb mandati. Komisioni i ka rekomanduar kryetares që të ndjekë praktikat e mëparshme të Kuvendit lidhur me rastin në fjalë”, ka thënë Manaj.
Manaj shtoi se sipas tij, është se një deputet humb mandatin vetëm nëse dënohet me burgim gjatë atij mandati, gjë që sipas tij nuk është rasti tek Arifi.
