Kandidati për deputet nga radhët e LDK-së në zgjedhjet e 14 shkurtit, Lumir Abdixhiku ka falënderuar të gjithë votuesit e tij, që për të tretën herë radhazi i dhanë mbështetjen e nevojshme.
Abdixhiku tha se tani që rezultatet nga terreni po i vijnë, është falënderues ndaj votuesve duke theksuar se numrin e bënë ai bashkë me qytetarët.
Ani pse të njëjtin e lanë të 11-tin në listë, qytetarët ia shpërblyen siç duket duke i dhënë vota të mjaftueshme.
“Numrin e bëjmë ne.Por kjo ka pak rëndësi. Fare madje. Rezultati për ekip, për LDK-në, pa befasi ishte i rëndë – më i rëndi në histori. Mesazhi ishte i qartë e i zëshëm, ai thërret për reflektim. Kush s’e dëgjon harrohet; dhe këtë s’mund ta kemi më alternativë.Rruga përpara s’është e lehtë, por këtë rrugë LDK ka për ta gjetë. Ajo do të jetë rrugë e drejtë, siç na takon për atë që përfaqësojmë. Pa improvizime më; me plot konsistencë. Ndryshimi pas përgjegjësisë ka nisur dhe s’ka gjë që e ndalë atë tashmë”, tha Abdixhiku.
Ai madje zbuloi se ka arritur të mbledhë mbi 100 mijë vota.
“Të njëqind mijë votuesve tanë ju faleminderit.Fituesve të zgjedhjeve urime.Kosovës gëzuar ditëlindjen”.
Tani që rezultatet nga terreni më vijnë, s’kam se si të mos falenderojë sërish, për të tretën herë rradhazi e me të…
Posted by Lumir Abdixhiku on E mërkurë, 17 Shkurt 2021
