Një nga mirësitë dhe bukuritë që ka falë – krijuar Zoti i Madhëruar në rajonin e Sharrit (Dragashit) është edhe Liqeni i Breznës. Ky liqen, ka disa specifika, madje më të veçanta prej shumë të tjerëve, si: burimi dhe mbledhja e ujit, rrjedhja e ujit, pastaj hapësira e gjelbëruar rreth tij, etj…
Në të jetojnë disa gjallesa (patat e buta dhe të egra, bretkosat, peshqit…,), të cilat u dhurojnë edhe kënaqësi vizitorëve dhe atyre që duan të bëjnë ndonjë pushim të shkurtër ditor rreth tij.
Por, shikuar hapësirën e këtij liqeni, pra me sipërfaqe jo aq të gjerë, nuk e di sa është e arsyeshme gjuetia në të?!
Sipas mendimit tim, për to duhet kujdesur, ngase janë pak, ndoshta edhe drejt zhdukjes!
Ky liqen, është edhe vend ideal për piknik familjar dhe aspekte shëndetësore, prandaj ruajtja dhe mirëmbajtja e tij duhet të jetë në nivel. Është për të mirën tonë.
Edhe mbeturinat tona, t’mos i lëmë në të, por t’i marrim me vete!
Autor Kasam Muhameti