Fituesi i Kupës së Botës, Lionel Messi, mori të hënën mbrëma “Topin e Artë” të tetë në karrierë, dhe kur u pyet nëse ishte më i miri ndonjëherë, u përgjigj se nuk e mendonte veten në atë mënyrë.
Është sigurisht një debat që do të prishet për dekadat e ardhshme. Tifozët e tij në veçanti mund të debatojnë gjithashtu se cili ishte goli më i mirë nga 827 të shënuar, por vetë Messi është deklaruar në një intervistë për “France Football”.
“Unë them gjithmonë se golat më të veçantë janë ato të rëndësishmet. Të shënosh një gol në finalen e Ligës së Kampionëve apo të shënosh në finalen e Kupës së Botës është shumë e veçantë”, ka thënë fillimisht Messi.
“Një gol që e mbaj mend gjithmonë dhe që më pëlqen shumë për shkak të kuptimit të tij, është goli që shënova kundër Real Madridit kur i mundëm 0-2 në Santiago Bernabeu në gjysmëfinalet e Ligës së Kampionëve. Por, për t’ju thënë një, unë do të qëndroja me atë”, ka thënë Messi.
¿El gol de Messi que más le gusta a él? Este contra Real Madrid en el Bernabéu (con gran asistencia de Sergio Busquets).pic.twitter.com/3Wu5zIiBbcpic.twitter.com/unDmt3zz5a
— VarskySports (@VarskySports) November 1, 2023