Kryetari i Nismës Socialdemokrate, Fatmir Limaj, bashkë me pjesëtarë të partisë ka shkuar për vizitë tek familja e kryetarit të Këshillit të Nismës, Jakup Krasniqit, pas arrestimit nga Dhomat e Specializuara.
Kujtojmë se pas 10 orësh intervistim Krasniqi u arrestua nga policët e EULEX-it në shtëpinë e tij, njofton Klan Kosova
Limaj pak më parë pati një konferencë për media ku tha se bastija ishte e panevojshme dhe se kjo gjë ka mundur të mos ndodhë pasi Krasniqi nuk do t’i ikte kurrë drejtësisë.
“Ka qenë të panevojshme skena të tilla.Ne besojmë që një bastisje e tillë nëse ka qenë e nevojshme për drejtësinë ka mundur të bëhet krejt ndryshe, pa pasur nevojë të shkohet në 6 të mëngjesit, pa pasur nevojë të traumatizojë, por thjesht duke njohur personalitetin e Krasniqi, gjithë kjo ka mundur të bëhet në mënyrë tjetër”, tha Limaj.
