Lidhja Demokratike e Kosovës ka njoftuar se edhe kryetari i degës së LDK-së në Prizren, Anton Quni ka paraqitur kandidaturën e tij për kryetar.
Deri tani zyrtarisht janë tre kandidatë për kryetar të LDK-së, Anton Quni, Lumir Abdixhiku dhe Lutfi Haziri.
“Dëshirojmë ta njoftojmë anëtarësinë e LDK-së, se deri më tani kanë paralajmëruar kandidaturat për kryetar të LDK-së, z. Anton Quni, nënkryetar i LDK-së dhe kryetar i degës së LDK-së në Prizren, z. Lutfi Haziri, nënkryetar i LDK-së, kryetar i komunës së Gjilanit dhe i degës së LDK-së në Gjilan dhe z. Lumir Abdixhiku, anëtar i Kryesisë së LDK-së. Në ditët në vijim priten paralajmërime edhe të kandidatëve tjerë”, thuhet në njoftim.
Ndryshe, më datën 14 mars parashihet të mbahet Kuvendi Zgjedhor për zgjedhjen e kryetarit të ri të partisë të LDK-së.