Lidhja Demokratike e Kosovës ka mbajtur akademi përkujtimore në Hamburg të Gjermanisë për nder të Heroit të Kosovës, Sali Çekaj.
Kryetari i LDK-së Lumir Abdixhiku ka shkruar në Facebook se në 25-vjetorin e rënies heroike, rikujtuan gjithë kontributin jetësor të një njeriu që la gjurmë në kohë.
Abdixhiku i ndau edhe dekoratën “Dr. Ibrahim Rugova”, heroit Sali Çekaj.
“Kjo dekoratë le të shërbejë jo vetëm si mirënjohje për gjithë kontributin e tij për çlirim, por të shërbejë si rikujtim për gjithë brezat e ardhshëm se liria e vendit tonë është arritur me shumë mund e sakrificë nga burrat dhe gratë më të devotshme të kombit”, ka thënë kreu i LDK-së.
Ndërkohë, Posta e Kosovës, përmes Filatelisë së saj, ka vendosur në qarkullim postar emisionin e jashtëzakonshëm të pullave postare “Sali Çekaj, Hero i Kosovës”./RTK/
Klikoni KËTU për tu bërë pjesë e kanalit të TV Prizreni në Youtube.
