Lidhja Demokratike e Kosovës ka njoftuar se ka themeluar shkollën politike.
Sipas njoftimit, Kryesia e LDK-së, në përputhje me Platformën për reforma dhe riorganizim, të paraqitur nga kryetari dhe të miratuar nga Këshilli i Përgjithshëm i LDK-së, mori vendim që të krijojë ekipet të cilat do ta bëjnë vlerësimin e gjendjes aktuale në Degët e LDK-së. LDK-ja thotë se këto ekipe do të propozojnë mënyrat që do të ndiqen në procesin e reformimit të thellë të Degëve.
“Procesi i reformimit synon të riorgnizojë Degët dhe t’i hapë ato ndaj individëve me kredibilitet dhe të rinjve që besojnë në vlerat tona të përbashkëta. Po ashtu, ekipet e Kryesisë do të ndihmojnë Degët në përgatitjet për zgjedhjet lokale U aprovua propozimi i kryetarit për strukturën e re organizative: Riorganizohet Zyra për medie dhe Qendra për Informim e Kosovës – QIK; Në kuadër të Fondacionit “Ibrahim Rugova” themelohet Shkolla Politike”, thuhet tutje në njoftim.
Kryesia e Lidhjes Demokratike, aprovoi formimin e gjashtë Departamenteve si në vijim: Departamenti i Politikës së Jashtme, Departamenti i Rendit, Ligjit dhe Sigurisë, Departamenti i Ekonomisë dhe Biznesit, Departamenti i Arsimit, Kulturës dhe Sportit, Departamenti i Shëndetësisë, Departamenti i Rinisë dhe Departamenti i Avancimit Shoqëror.
Sipas njoftimit, këto departamente do të përgatisin dhe hartojnë qëndrimin e Lidhjes Demokratike të Kosovës, si dhe alternativën opozitare ndaj pushtetit.