Lazio është duke u hetuar nga Federata e Futbollit të Italisë, ndërsa rrezikon nga “gjoba e deri te përjashtimi nga kampionati”, raporton “La Gazzetta dello Sport”.
Pas një goditje tjetër për Lazion para ndeshjes të sotme në Ligën e Kampionëve kundër Zenitit, ka intervenuar FIGC-ja.
Zyra e Prokurorit ka hapur hetimet ndaj Lazios dhe mundësisë për shkeljen e protokollit shëndetësorë të vendosur gjatë pandemisë së koronavirusit.
Rastet e përfshira janë Ciro Immobile, Lucas Leiva dhe Thomas Strakosha, të cilëve i është ndaluar nga UEFA udhëtimi për në Rusi, dhe nuk ishin në dispozicion as për ndeshjen kundër Club Brugges javën e kaluar. Por, në testimin e strishos dolën negativë i lejuan të luajnë në fitoren 4:3 ndaj Torinos në Serie A në fundjavë. Immobile shënoi golin vendimtar.
Zyra e Prokurorit ka intervistuar presidentin e Lazios, Claudio Lotito dhe mjekun Ivo Pulcini, para se të kërkonte raportin e testeve të strishos të bëra para ndeshjes Brugge – Lazio dhe Torino – Lazio.
Raportet i janë dorëzuar Federatës së Italisë. Gazeta italiane njofton se ndëshkimet mund të sillen nga gjoba e deri te përjashtimi nga kampionati.
