Përveç në IKShPK testime për Covid-19 kryhen edhe në klinika private në gjithë vendin
Një numër i qytetarëve ia kanë mësyrë Institutit Kombëtar të Shëndetit Publik për t’u testuar për COVID-19.

Personat të cilët po testohen për koronavirus janë kryesisht bashkatdhetarë të cilët po presin të kthehen nga Kosova, në vendet ku jetojnë.

Faton Gashi, tha se ka ardhur bashkë me vajzën të testohet ngase i duhet testi negativ për të udhëtuar jashtë vendit, raporton Ekonomia Online, përcjell albinfo.ch.

“Kam ardhur, kemi me udhëtuar nesër me vajzën. Sot e bëra, nesër i marrë rezultatet këtu. Në përgjithësi mirë, nuk pat shumë njerëz, shpejt e kryem. Gjithçka mu duk në rregull”, ka thënë ai.

Edhe Shefqet Berisha u testua për t’u kthyer në Gjermani, atje edhe ku jeton. Ndonëse thotë se i ka marrë të dy vaksinat, testi negativ për të hyrë në këtë shtet i duhet patjetër.

“Procesi shumë shpejt, shumë në rregull. Po më duhet për shtetin ku udhëtojë, në Gjermani duhet me pas”, ka thënë ai.

Përveç në IKShPK testime për Covid-19 kryhen edhe në klinika private në gjithë vendin, prej edhe nga grumbullohen më pas të dhënat për rastet pozitive me virus për 24 orë.