Komuna e Prizrenit përmes një postimi në facebook ka bërë të ditur se tashmë është lansuar skema e granteve “Mbështetja e ndërmarrjeve ekzistuese në Komunën e Prizrenit”.
Skemë kjo e cila është bashkëpunim mes Komunës së Prizrenit dhe AZHR – Jug, do të ketë synim mbështetjen e ndërmarrjeve ekzistuese.
Grantet do të mund të përfitohen vetëm nga ndërmarrjet prodhuese dhe përparësi do të kenë bizneset me pronarë gratë dhe të rinjtë ndërmarrës.
Formën dhe dokumentet e nevojshme, mund t’i gjeni këtu.