Emisari i Bashkimit Evropian për dialogun Kosovë-Serbi, Miroslav Lajçak, ka thënë se “shqetësimi” i presidentit të Serbisë, Aleksandar Vuçiq, për “gjendjen e serbëve në Kosovë” duhet të diskutohet dhe të gjendet një zgjidhje në dialog.
“Në takimin e sotëm me presidentin Vuçiq në përgatitjen për takimin e ardhshëm në nivel të kryenegociatorëve, ai ngriti shqetësime të mëdha për situatën e serbëve të Kosovës. Kam theksuar se duhet të diskutojmë dhe të gjejmë zgjidhje të dakorduar në dialog”, ka shkruar Lajçaku në X.
