Përfaqësuesi special i Bashkimit Europian për dialogun Kosovë-Serbi, Mirosllav Lajçak, ka shkruar se BE vazhdimisht theksoi se çështja e hapjes së Urës mbi lumin Ibër në Mitrovicë duhet të diskutohet në dialogun e ndërmjetësuar nga Bashkimi Europian.
“Akuzat se Bashkimi Europian është kundër hapjes së Urës apo ka ndryshuar qëndrim janë mashtruese” – shkroi Lajçak në platformën “X”.
Tutje ai thotë se imponimi i një vendimi kundër vullnetit të qytetarëve nuk kontribuon në normalizimin e marrëdhënieve.
“Qeverisja e mirë”, sipas tij mirëkupton çështjet e ndjeshme për minoritetet.
Diskutim se si të implementohet marrëveshja për hapjen e Urës, ka paralajmëruar Lajçak për takimin e radhës në Bruksel.
Klikoni KËTU për tu bërë pjesë e kanalit të TV Prizreni në Youtube.
