Ish-komandanti i Ushtrisë Çlirimtare të Kosovës (UÇK), Rexhep Selimi ka bërë të ditur se Gjykata Speciale ka konfirmuar një aktakuzë ndaj tij, shkruan GazetaBlic.
Në një postim në Facebook, Selimi ka thënë se nëser do të udhëtoj në Hagë.“Kam ditur e do të di gjithmonë ta mbroj lirinë e popullit, shtetin e Kosovës dhe UÇK-në e lavdishme”, ka shkruar Selimi.
Por, çka pati thënë Selimi në nëntor të vitit 1997?
Përpara qindra qytetarëve, Selimi pati se UÇK-ja ka kryer disa aksione kundër pushtuesve serbë.
“UÇK-ja është e vetmja forcë serioze për realizimin e idealeve të Kosovës. UÇK-ja ka katër vite që u vu në ballë të luftës për clirimin e Kosovës. Kreu disa aksione clirimtare kundër pushtuesve, që vrau njerëz të pafajshëm”, ka thënë Selimi në një fjalim në nëntor të vitit 1997.
Ndërkohë, përveç Selimit, gjatë ditës së sotme për në Hagë është nisur edhe sekretari i UÇK-së, Jakup Krasniqi.