Infektologu Arjet Gega është shqiptari i parë që ka bërë vaksinën e Pfizer anti-COVID.
Mjeku, i cili jeton në Shtetet e Bashkuara të Amerikës ka publikuar një video nga momenti kur ka marrë dozën e parë të vaksinës kundër virusit.
Ndërkohë, mjeku Gega ka bërë edhe një apel që qytetarët të vaksinohen, pasi sipas tij vaksinat anti-COVID janë të sigurta dhe efikase.
“Vaksina e Covid-19 u bë! Ju lutemi merrni vaksinën tuaj sapo të jetë e disponueshme për ju. Vaksinat janë të sigurta dhe efikase, PfizerBioNTech”, shkruan ai krah videos që poston në Facebook nga momenti i vaksinimit.
