Kuvendari i Prizrenit nga radhët e Listës Guxo, Petrit Hoxhaj, ka bërë të ditur se në zgjedhjet e parakohshme parlamentare, që do të mbahen më 7 qershor, do ta përkrahë Vjosa Osmanin dhe Lidhjen Demokratike të Kosovës.
“Shumë miq nga e gjithë Kosova po më kërkojnë mbështetje për kandidatët e tyre nga LVV në zgjedhjet e 7 qershorit. Mirëpo, unë tashmë e kam marrë vendimin tim politik dhe me shumë bindje po ua them se në këto zgjedhje do ta përkrah Vjosa Osmanin dhe LDK-në me numrin 113. Kjo nuk është vetëm mbështetja ime personale, por edhe e familjes sime të ngushte dhe të gjërë, miqëve dhe shokve të mi,të gjithë së bashku do të jemi krah për krah në karvanin e madh të bashkimit të Vjosa Osmanit me LDK-në” – ka shkruar Hoxhaj në Facebook.
