Përmes një postimi në facebook, kuvendari i LVV, Faruk Tahiri, ka kërkuar nga kryesuesja e Kuvendit të Prizrenit, Antigona Berisha- Bytyçi, që të thërras kuvendarët për të vazhduar seancën e jashtëzakonshme për ditën e nesërme, për faljen e tatimit në pronë në vlerë deri në 100 euro, pasi sot dështoi për shkak të mungesës së kuorumit.
“Pas seancës së jashtëzakonshme e cila është thirrur sot nga kryesuesja me iniciativën e kuvendarëve nënshkrues dhe pas mbylljes së seancës për shkak të mungesës së kuorumit, kërkova nga kryesuesja që të thërret vazhdimin e seancës ngase seanca nuk ka marr epilogë dhe si e tillë nuk konisederohet e mbyllur. Andaj pasi që kemi afat edhe nesër, ftoj të gjithë kuvendarët që për të mirën e qytetarëve ta shfrytëzojmë këtë mundësi ligjore për faljen e tatimit në pronë në vlerë deri në 100 euro.
