Shefja e Grupit Parlamentar e VV-së, Mimoza Kusari-Lila, tha se Qeveria e Kosovës do të propozojë një bord të ri për Agjencinë Kosovare të Privatizimit, pasi nuk është miratuar raporti i Punës së AKP-së.
Në konferencën për medie, Kusari-Lila ka thënë se në Komisionin për Ekonomi, VV-ja nuk e ka mbështetur raportin e Punës të AKP-së.
Kusari-Lila deklaroi se është miratuar kjo kërkesë dhe se me këtë është hapur rruga për qeverinë që të propozojë një bord të ri, e që gjithashtu pritet të miratohet në seancë plenare e cila do të përmbyllet në fazën e tranzicionit të Agjencisë Kosovare të Privatizimit.
“Po bëjmë publike se në Komision për Ekonomi, VV-ja ka rekomanduar që të mos mbështet rekomandimi për raportin e punë të AKP-së. Ky rekomandim është miratuar. Me këtë kemi hapur rrugë që Qeveria të propozojë bord të ri. Ajo çka ne kemi konluduar është se ka qenë një performancë tepër e dobët e një agjencioni që ka pasur synim rritjen e vendeve të punës e s’është arritur as ajo, as zhvillimi ekonomik në të kundërtën është kthyer si institucion në shërbim të vetvetes duke akomoduar kërkesa dhe shërbime politike por edhe duke i shkaktuar dëme ekonomisë të Kosovës.Në veçanti tendenca për përshpejtim të likuidimit, qiradhënies dhe shitjes ishte tendencë për shitje të fundit tek një grup i vogël i interesit”, tha Kusari-Lila, shkruan lajmi.net.
Tutje deputetja tha se është momenti i duhur që kjo të përfundojë kjo dhe Kuvendi ti japë rrugë zhvillimeve të reja në sektor dhe menaxhim të aseteve të Kosovës, në shërbimin ekonomik të vendit.
E pyetur se kush ka votuar pro dhe kush ka votuar kundër këtij shkarkimi, Kusari-Lila theksoi se pro kanë votuar deputetët e VV-së dhe përfaqësuesja e Grupit Parlamentar multietnik, ndërsa kundër ishin përfaqësuesi i PDK-së dhe ai nga Lista Serbe.
