Kryeministri i Kosovës, Albin Kurti, ka uruar të gjithë besimtarët myslimanë me rastin e festës së Fitër Bajrami, duke përcjellë një mesazh urimi dhe reflektimi për këtë ditë të shenjtë.
Në urimin e tij, Kurti ka shprehur dëshirën që agjërimi dhe lutjet e besimtarëve të jenë pranuar, duke theksuar rëndësinë e falënderimit për begatitë që gëzojmë dhe të solidaritetit ndaj atyre që kanë më pak. Ai ka bërë thirrje që kjo ditë feste të shërbejë si nxitje për përmirësim të vazhdueshëm, si në aspektin individual ashtu edhe në atë shoqëror.
“Mirëmëngjes dhe me fat të gjithëve Fitër Bajrami! Uroj që agjërimi dhe lutjet tuaja të jenë pranuar! Në mesin e begative që gëzojmë sot, të rrethuar me më të dashurit tanë, le të na gjejë kjo ditë feste për besimtarët myslimanë, dhe çdo ditë tjetër e vitit, edhe më falënderues për të mirat që kemi, më solidarë me nevojat e atyre që kanë më pak dhe më të vëmendshëm ndaj përmirësimit si individë dhe si shoqëri” – ka shkruar Kurti në Facebook.
