Kryeministri i Kosovës, Albin Kurti, ka uruar besimtarët myslimanë me rastin e fillimit të muajit të Ramazanit.
Përmes një postimi në Facebook, ai e cilësoi Ramazanin si muaj të vetëpërmbajtjes individuale dhe solidaritetit kolektiv, të mëshirës hyjnore dhe mirësisë njerëzore.
Sipas tij, ky muaj i shenjtë i fton njerëzit që ta rigjejnë veten në bashkësi dhe rikujton se begatia është bekim, ndërsa empatia virtyt.
Kryeministri u uroi të gjithë besimtarëve dhe besimtareve myslimane agjërim të lehtë dhe përmbushje shpirtërore, duke shprehur dëshirën që ky muaj i veçantë të sjellë paqe në shpirt dhe lumturi në zemër.
Klikoni KËTU për tu bërë pjesë e kanalit të TV Prizreni në Youtube.
