Gjatë takimit, një prej temave kryesore ishte mërgata e madhe e Kosovës në Zvicër dhe anembanë botës.
Kryeministri i Kosovës, Albin Kurti priti sot në takim bashkëpresidentin e Partisë Socialdemokrate në Zvicër, Cédric Wermuth.
Ai tha se ky ishte takimi i parë me të në cilësi të kryeministrit por që me kryetarin socialdemokrat të Zvicrës janë miq të vjetër.
“Cédric është bashkëpresidenti i Partisë Socialdemokrate në Zvicër e vazhdues i traditës së Micheline Calmy-Rey. Ajo ishte e para që mbështeste pavarësinë e plotë të Kosovës, ndërsa Cédric e ka mbështetur Lëvizjen VETËVENDOSJE! për vite me radhë. Më përgëzoi për detyrën e re dhe shprehu gatishmërinë e interesimin për bashkëpunim e përkrahje, i bindur se puna jonë do të jetë në nivel me pritshmëritë e qytetarëve”, shkruan Kurti.
