Kryeministri i Kosovës, Albin Kurti, ka pritur në takime të ndara të Ngarkuarën me Punë të Ambasadës së SHBA-së në Kosovë, Anu Prattipati, ambasadorin e Mbretërisë së Bashkuar, Jonathan Hargreaves, si dhe ambasadorin e Gjermanisë, Rainer Rudolph.
Sipas Kurtit, gjatë takimeve ai ka pranuar urime për formimin e Qeverisë dhe mandatin e ri, ndërsa me diplomatët ka diskutuar për marrëdhëniet dypalëshe, mundësitë për avancimin e bashkëpunimit, përparimin demokratik, zhvillimin e qëndrueshëm ekonomik dhe proceset integruese të Kosovës.
Në fokus të bisedimeve, sipas Kryeministrit, kanë qenë edhe zhvillimet aktuale në Kosovë dhe nevoja për stabilitet institucional, veçanërisht në rrethanat e krijuara pas 16 shtatorit.
