Kurti takoi komandantin e ri të KFOR-it, diskutuan për zhvillimet aktuale dhe situatën e sigurisë në vend

Sipas një njoftimi nga Zyra e Kryeministrit, gjatë takimit ata diskutuan për zhvillimet aktuale, me theks mbi situatën e sigurisë, si dhe për rëndësinë e bashkëveprimit dhe bashkëpunimit ndërmjet institucioneve të sigurisë të vendit dhe të misionit të NATO-s në Kosovë.

“Duke i uruar mirëseardhje përsëri në Kosovë dhe duke i dëshiruar suksese në mandatin e dytë si komandant i KFOR-it, kryeministri Kurti theksoi gatishmërinë dhe angazhimin e tij dhe të Qeverisë për bashkëpunim të ngushtë me KFOR-in në ruajtjen e paqes dhe sigurisë në të gjithë territorin e vendit”, thuhet në njoftim.