Kryeministri i Kosovës, Albin Kurti, ka pritur në një takim komandantin e KFOR-it, gjeneralmajor Enrico Barduani, për të diskutuar rreth vizitës së sekretarit të Përgjithshëm të NATO-s, Mark Rutte, në Kosovë më 11 mars.
Kurti takoi komandantin e KFOR-it, diskutuan për vizitën e Ruttes në Kosovë
Zyra e kryministrit në një komunikatë për media, ka njoftuar se gjatë takimit të premten u bisedua për përgatitjet që po bëhen për këtë vizitë të rëndësishme, si dhe për çështjet e sigurisë dhe bashkëpunimin e vazhdueshëm mes institucioneve të Kosovës dhe KFOR-it.
“Qeveria e Kosovës vazhdon të thellojë bashkëpunimin me misionin e NATO-s në Kosovë, me synimin për të forcuar sigurinë dhe stabilitetin në rajon”, thuhet tutje në njoftim.
Klikoni KËTU për tu bërë pjesë e kanalit të TV Prizreni në Youtube.
