Kurti takoi ambasadorin e Malit të Zi, diskutuan zhvillimet politike dhe forcimin e marrëdhënieve

Siç bën të ditur Zyra e Kryeministrit, ambasadori e uroi Kurtin për mandatin e ri në krye të Qeverisë, duke riafirmuar marrëdhëniet shumë të mira mes dy vendeve si dhe përkushtimin për vazhdimin e bashkëpunimit të ngushtë.

“Gjatë takimit u diskutuan zhvillimet aktuale politike në vend, si dhe mundësitë për thellimin e bashkëpunimit në shumë fusha. Të dy palët shprehën vullnetin për avancimin e partneritetit dypalësh dhe forcimin e lidhjeve institucionale në interes të qytetarëve të të dy vendeve” – thuhet në njoftim.