Kryeministri i Kosovës, Albin Kurti, do ta presë sot në takim kryetarin e Lidhjes Demokratike të Kosovës, Lumir Abdixhikun.
Në takim pritet të diskutohet çështja e presidentit, derisa koha e takimit nuk është bërë e ditur.
Të dielën, Kurti ka takuar kryetarin e Partisë Demokratike të Kosovës, Bedri Hamza.
Hamza ka theksuar se nuk do të jenë pengesë e proceseve shtetërore, por as nuk mbështesin kandidatura që nuk e përfaqësojnë unitetin qytetar.
Hamza ka thënë po ashtu se uron që të reflektojnë ata që kanë përgjegjësi kushtetuese për të propozuar kandidatura me mbështetje të gjerë.
Sipas Kushtetutës, zgjedhja e presidentit duhet të bëhet jo më vonë se 30 ditë para përfundimit të mandatit të presidentit aktual. Osmani është zgjedhur presidente më 4 prill të 2021-tës, ndërsa detyrën e mori një ditë më pas. Dështimi për ta zgjedhur kreun e shtetit imponon zgjedhje të parakohshme.
Klikoni KËTU për tu bërë pjesë e kanalit të TV Prizreni në Youtube.
