Në Sarajevë, Kryeministri i Kosovës, Albin Kurti, krahas takimeve me drejtues të institucioneve, ka zhvilluar takime edhe me drejtues të partive politike në Bosnjë dhe Hercegovinë, përkatësisht me Kryetarin e Partisë për Veprim Demokratik (SDA), Bakir Izetbegoviq dhe Kryetarin e Partisë për Bosnjën dhe Hercegovinën (Stranzka za BiH), Semir Efendiq.
Kryeministri fillimisht u mirëprit nga Kryetari i Partisë për Veprim Demokratik, Izetbegoviq me të cilin diskutuan për bashkëpunimin ndërmjet dy vendeve, zhvillimet në të dy vende dhe mundësitë dhe sfidat e përbashkëta.
Kryetari Izetbegoviq e falënderoi për vizitën, me ç’rast i dhuroi kryeministrit librin e babait të tij, ish presidentit të Bosnjës dhe Hercegovinës, Alija Izetbegoviq, “Alija Izetbegoviq: Vepra 3”, thuhet në komunikatë, transmeton Telegrafi.
