Kurti: Sektori privat e ka të garantuar aleatin

Kryeministri i Kosovës, Albin Kurti, ka deklaruar se bashkëpunimi mes sektorëve është i nevojshëm në mënyrë që të zhvillohet ekonomia e vendit, ku për këtë ai tha se do të kenë çdo herë mbështetjen e qeverisë.

Kurti në konferencën për dialogun publiko-privat që po mbahet me mbështetjen e Qeverisë zvicerane dhe Bankës Evropiane për Rindërtim dhe Zhvillim, ka theksuar se ekonomisë së vendit secilin vit i është shtuar mbi 1 miliard euro, për çka tha se kjo rritje padyshim është rezultat i ndërmarrësisë së sektorit privat.

“Konkurrencën dhe bashkëpunimin duam t’i shohim bashkë. I gjithë sektori privat e ka të garantuar aleatin dhe partnerin në mënyrë që ta ndihmojmë njëri tjetrin në këtë drejtim, të prodhojmë e të eksportojmë më shumë, të luftojmë informalitetin më shumë dhe të përforcojmë konkurrencën e vendit tonë. Ne duhet të jemi në këtë dialog edhe mirë të strukturuar në mënyrë që sfidat të definohen saktë, takimet tona mos të jenë biseda që përsëriten, për raportime për rezultatet e arritura. Ekonomisë së vendit i është shtuar mbi 1 miliard secilin vit”, tha Kurti./ KP

Kurti: Sektori privat e ka të garantuar aleatin

Të tjera nga rubrika

Ekzekutohen pagesat për masat aktive të tregut të punës dhe pushimin e lehonisë

Kontrolle në furrat e Kosovës, AMK dhe IQMT verifikojnë peshën e bukës dhe peshoret

Kurti: Eqrem Kryeziu i takon një gjenerate kur politika nënkuptonte angazhim të vazhdueshëm

Çmimet e prodhimit në Kosovë u rritën 4,6% në tremujorin e dytë 2026, krahasuar me periudhën e njëjtë 2025