Kryeministri i Republikës së Kosovës, Albin Kurti, mirëpriti drejtorin politik të Ministrisë së Punëve të Jashtme të Gjermanisë, Günter Sautter, që në takim u shoqërua nga ambasadori i Gjermanisë në Kosovë, Jörn Rohde.
Sipas komunikatës për media nga zyra e kryeministrit, bëhet e ditur se kryeministri e falënderoi drejtorin Sautter për vizitën dhe shprehu mirënjohjen e tij për ndihmën dhe mbështetjen diplomatike, ushtarake dhe ekonomike të Gjermanisë, e cila ka qenë thelbësore për çlirimin, pavarësimin, ndërtimin dhe zhvillimin e vendit tonë, thuhet në komunikatë.
