Kryeministri Albin Kurti ka thënë se këtë vit pret që të ketë më shumë rezultate në kuadër të Procesit të Berlinit, i cili shënon edhe 10 vjetorin e tij.
Kështu është shprehur ai në takimin e zhvilluar të martën me të dërguarin e Gjermanisë për Ballkanin Perëndimor, Manuel Sarrazin.
Kurti nëpërmjet një postimi në platformën X, ka shtuar se temë e diskutimit në takimin e sotëm ka qenë integrimi ekonomik në Procesin e Berlinit.
“Marrëdhëniet ndërmjet Kosovës dhe Gjermanisë dhe bashkëpunimi rajonal e integrimi ekonomik në Procesin e Berlinit, ishin tema të diskutimit me të dërguarin e Gjermanisë për Ballkanin Perëndimor, Manuel Sarrazin. Derisa Procesi i Berlinit shënon 10 vjetorin e tij këtë vit, ne presim me padurim më shumë rezultate”, ka shkruar Kurti.
/KOHA.Net/
Klikoni KËTU për tu bërë pjesë e kanalit të TV Prizreni në Youtube.
