Kurti pranon urime nga Presidenti i Zvicrës: Falë diasporës, vendet tona janë të lidhura fort

“Marrëdhëniet shumë të mira dhe miqësore ndërmjet Zvicrës dhe Kosovës janë të bazuara në besim të ndërsjellë, ka shkruar presidenti Parmelin. Ai ka thënë se falë diasporës së rëndësishme kosovare në Zvicër, dy vendet janë të lidhura fort edhe në aspektin njerëzor dhe kulturor. Prosperiteti i Ballkanit Perëndimor është interes i yni i përbashkët, prandaj edhe vendi im ka qenë për shumë vite shumë i angazhuar në një gamë të gjerë të programeve të bashkëpunimit me qëllim zhvillimin dhe mbështetjen e paqes”, thuhet në urimin e tij.

Në fund, Presidenti i Zvicrës ka shkruar se pret që bashkëpunimi i mirë mes dy vendeve të vazhdojë”, thuhet në njoftimin e nga Zyra e Kryeministrit dërguar mediave.