Kryeministri në detyrë i Republikës së Kosovës, Albin Kurti, u takua me zëvendës ndihmës sekretarin e Përgjithshëm për Partneritete në NATO, ambasadorin Kevin Hamilton, në vizitën e tij të parë në Kosovë.
Siç bëhet e ditur në njoftim, gjatë takimit biseduan për thellimin e bashkëpunimit me NATO-n.
Sipas njoftimit, Kurti foli për zhvillimet në vend, përfshirë ato në fushën e teknologjisë dhe të mbrojtjes, si dhe për prodhimin e municionit në Kosovë.
Po ashtu, thuhet se biseduan për marrëdhëniet e mira me NATO-n, sigurinë në rajon dhe në Kosovë, si dhe zhvillimet politike aktuale.
Zyra e Kryeministrit bën të ditur se u diskutua gjithashtu për themelimin e Xhandarmërisë së Kosovës, ku në pyetjen e z. Hamilton, kryeministri në detyrë Kurti, shpjegoi konceptin dhe theksoi nevojën e kësaj strukture në forcimin e sigurisë dhe koordinimit me KFOR-in dhe NATO-n në këtë drejtim.
Klikoni KËTU për tu bërë pjesë e kanalit të TV Prizreni në Youtube.
