Kryeministri në detyrë i Republikës së Kosovës, Albin Kurti, mori pjesë në inaugurimin e gjeneratës së re të Kualifikimit të Nivelit V Post-Sekondar për Asistent për Nxënës me Nevoja të Veçanta Arsimore.
Sipas njoftimit nga Zyra e Kryeministrit, duke shprehur mbështetjen e Qeverisë për nismat të cilat i fuqizojnë profesionistët e arsimit dhe krijojnë mundësi më të mira për fëmijët dhe të rinjtë në Kosovë, Kurti tha se arsimi gjithëpërfshirës është një objektiv politikash dhe përgjegjësi e përbashkët për investim në të ardhmen e vendit dhe në respektimin e të drejtave të njeriut.
