Lëvizja Vetëvendosje ka bërë të ditur se kandidati i tyre për kryetar të komunës së Dragashit është Filiz Mustafa.
Përmes një postimi në Facebook, LVV ka njoftuar se me praninë e kryeministrit në detyrë Albin Kurti, sekretarit organizativ, Alim Rama, deputetit dhe koordinatorin e qendrave të LVV-se Salih Zyba, zv. ministres Dafina Gexha Bunjaku u konfirmua mbështetja për kandidaturën e Filiz Mustafa për kryetar të komunës së Sharrit.
Sipas LVV-së, 12 tetori do të jetë datë e ndryshimit edhe në Sharr.
“Në një komunë me potencial të madh natyror, bujqësor dhe turistik si Sharri, prioritet i qeverisjes tonë do të jetë ndalimi i migrimit masiv të të rinjëve, zhvillimi i infrastrukturës, mbështetja për fermerët, përmirësimi i shërbimeve arsimore dhe shëndetësore, si dhe forcimi i pjesëmarrjes së të rinjve dhe grave në jetën publike”- thuhet në njoftim.
Tutje thuhet se me Filiz Mustafën në krye të komunës, qytetarët e Sharrit do të kenë një udhëheqës të denjë, që i dëgjon, i përfaqëson dhe i shërben me përgjegjësi.