Kryeministri i Kosovës, Albin Kurti, ka prezantuar sot para Kuvendit Strategjinë e Sigurisë për vitet 2024-2027.
Gjatë fjalës së tij, Kurti ka folur edhe për Fondin e Sigurisë, por nuk ka treguar as këtë herë sa është shuma e mbledhjes së mjeteve në këtë fond.
“Falënderoj secilën e secilin që ka kontribuar në Fondin e Sigurisë, gjithashtu inkurajoj çdonjërin që ka mundësi financiare dhe vullnet patriotik të kontribuojë edhe më tutje në këtë Fond të Sigurisë”, deklaroi Kurti.
Ai foli edhe për përshpejtimin e blerjeve ushtarake për FSK-në, raporton Zeri.info.
“Kemi përshpejtuar blerjet ushtarake dhe blerjet e tjera që lidhen me fuqizimin e kapaciteteve tona të mbrojtjes dhe sigurisë.
Kemi krijuar linja të reja të furnizimit me sisteme të armatimit në mënyrë të drejtpërdrejtë shtet me shtet, duke shkurtuar kohën e furnizimit dhe duke ulur ndjeshëm koston financiare”, deklaroi Kurti. /Zëri
