Disa ditë më parë, Policia e Prizrenit kishte ndërmarrë një aksion për arrestimin e disa të dyshuarve në lagjen ‘Bajram Curri’ që akuzoheshin për vjedhje në fshatra të ndryshme të Prizrenit. Mirëpo, rastet e tilla të vjedhjeve përsëri vazhdojnë.

Bashkëatdhetari nga fshati Dobrushtë ishte kthyer në vendlindjen e tij, por ai kishte gjetur shtëpinë e plaçkitur. Sipas informacioneve të Policisë hajnat i kishin vjedhur gjësende të ndryshme dhe stoli me vlerë mbi 3 mijë euro.