Pas shkarkimit nga detyra të drejtorit të deritanishëm të gjimnazit “ Ruzhdi Berisha”, Shukri Nebiu, kryetari i komunës së Dragashit, Bexhet Xheladini, përmes një njoftimi në facebook në faqen e komunës, është bërë e ditur se në këtë post ka emëruar mësimdhënësin shumëvjeçar të institucionit më të lartë arsimor në Dragash, Lulzim Ahmeti. “Bazuar në Kërkesën e Drejtorisë Komunale të Arsimit, kryetari i Komunës, z.Bexhet Xheladini, ka emëruar sot U.D. i drejtorit të ShML “Ruzhdi Berisha” në Dragash profesorin shumëvjeçar të Filozofisë në këtë shkollë, z.Lulzim Ahmeti.

Kryetari Xheladini e ka uruar profesorin Lulzim Ahmeti për detyrën e re, duke i dëshiruar suksese në drejtimin e ShML “Ruzhdi Berisha”.”, thuhet në fund të këtij njoftimi.