Komuna e Prizrenit ka njoftuar se kryetari, Shaqir Totaj, të hënën do të organizojë takimin e dytë publik me qytetarë. Në këtë takim kryetari Totaj do të raportojë për punën njëvjeçare janar – dhjetor 2024. Takimi publik do të mbahet në sallën e mbledhjeve të Kuvendit të Komunës, duke filluar nga ora 10:00, dhe është i hapur për të gjithë qytetarët.
“Në bazë të Ligjit Nr. 03/L-040 për Vetëqeverisjen Lokale, nenit 92 të Statutit të Komunës së Prizrenit me Nr. 01/011-5643, Kryetari i Komunës së Prizrenit në bashkëpunim me Njësinë për Komunikim me Publikun organizojnë:
TAKIMIN E DYTË PUBLIK ME QYTETARË
Ftohen të gjithë qytetarët e Komunës së Prizrenit, OJQ-të dhe palët tjera të interesuara, se Kryetari i Komunës së Prizrenit, z. Shaqir Totaj, mbanë takimin e dytë publik me qytetarë. Në këtë takim Kryetari para qytetarëve raporton për punën njëvjeçare Janar-Dhjetor 2024. Takimi Publik mbahet më 23.12.2024 (e hënë) në sallën e mbledhjeve të Kuvendit të Komunës (Shtëpia e Bardhë), me fillim në orën 10:00. Takimi është i hapur për qytetarët, i hapur për parashtrimin e pyetjeve adresuar kryetarit dhe ekzekutivit të Komunës për të gjitha temat të cilat atyre iu interesojnë. Komentet dhe sugjerimet tuaja mund t’i dërgoni deri më 23.12.2024 në orë 09:00, në e-mail-at: [email protected] dhe [email protected]. Raportet e punës së kryetarit të komunës mund t’i gjeni të publikuar në këtë vegëz: https://kk.rks-gov.net/prizren/staff/shaqir-totaj/… “, shkruan në njoftimin e komunës në Facebook./TVPrizreni/