Kryetari i komunës së Prizrenit, Shaqir Totaj, ka pritur sot në takim kryetarin e KQZ-së, Kreshnik Radoniqi me bashkëpunëtorë.

Komuna e Prizrenit ka njoftuar se në këtë takim është diskutuar për thellimin e bashkëpunimit ndërinstitucional dhe përmbushjen e detyrimeve ligjore për Zgjedhjet e Përgjithshme në Republikën e Kosovës, si dhe ofrimin e mbështetjes Komisionit Komunal të Zgjedhjeve gjatë dhe pas procesit të zgjedhjeve.