Kryetari i Prizrenit, Shaqir Totaj, përmes një shkrimi në facebook ka njoftuar se gjatë ditës së sotme ka pritur në takim Ambasadoren e Izraelit në Kosovë, Tamar Ziv . Ajo ishte e shoqëruar edhe nga Ambasadorja e Kosovës në Izrael, Ines Demiri.
Njoftimi i plotë:
Sot, pata kënaqësinë t’i takojë, Ambasadoren e Izraelit në Kosovë, Shqëlqësinë e Saj, Tamar Ziv dhe Ambasadoren e Kosovës në Izrael, Shkëlqësinë e Saj, Ines Demiri.
Me këtë rast diskutuam për një sërë projektesh, ndër to: binjakëzimin e Prizrenit me një qytet izraelit si dhe zhvillimin e një vizite zyrtare të ekipit tonë në Izrael, por, edhe për hapjen e një Qendre Kulturore të Hebrenjëve në Prizren.
Gjithashtu, në këtë takim, diskutuam për mundësitë e bashkëpunimit në fushën e zhvillimit ekonomik, në kuturë e sport si dhe, me theks të veçantë, në zhvillimin e turizmit.
