Kryetari i Prizrenit, Shaqir Totaj, sot ka pritur në takim nënkryetaren e Bashkisë Metropolitane të Gaziantepit në Republikën e Turqisë, Zehra Ünal me disa bashkëpunëtorë.
Temë e diskutimit në këtë takim ishin bashkëpunimi i qytetit të Prizrenit me Bashkinë e Gaziantepit të Turqisë, veçoritë e tyre si dhe për mundësitë e bashkëpunimit, me theks të veçantë në fushën e turizmit e shkëmbimit kulturor, që do të hapte mundësi për forcimin e lidhjeve dhe zhvillimin e projekteve të përbashkëta në të ardhmen, thuhet në njoftim.
