Kryetarja e Kuvendit të Komunës së Prizrenit, Antigona Berisha, bashkë me disa kuvendar ishin pjesë e një takimi në shtetin e Kroacisë, konkretisht në qytetin e Makarska.
Këtë e ka bërë të ditur kryetarja Berisha përmes një postimi në rrjetin social facebook, e cila ndër të tjerash shkruan se atje u pritën nga kryetari Zoran Paunovic dhe kryesuesja e kuvendit Gordana Puharic.
Shkëmbimi i përvojave për format dhe funksionimin e sistemit të vetëqeverisjes lokale në Republikën e Kroacisë, bashkëpunimi mes kuvendeve komunale, praktikat parlamentare të kuvendeve të komunës, funksionimi i qendrave historike dhe turistike ishin disa nga temat kryesore për të cilat u diskutua në mes të pranishmëve në këtë takim.
