Kryesia e Lidhjes Demokratike të Kosovës ka bërë homazhe tek varri i ish-presidentit historik Ibrahim Rugova, me rastin e 76-vjetorit të lindjes.
Në homazhe nuk morën pjesë kryetari i Lidhjes Demokratike të Kosovës Isa Mustafa dhe nënkryetari Agim Veliu.
Pas homazheve u deklarua Lutfi Haziri, i cili tha se humbja e komunës së Podujevës nuk duhet të përceptohet si humbje e dekadës.
Haziri tha se ky është një mësim i mirë dhe se e përgatitë LDK-në për procese edhe më të mëdha.
“Një komunë nuk duhet të merret as si sukses i dekadës, as si humbja e dekadës. Është mësim i mirë për t’u nxjerrë, për t’u përgatitur në procese të mëdha”.
Numri dy i Lidhjes Demokratike ka sqaruar edhe konceptin e “frymës rugoviane”.
“Filozofia e Rugovës duhet kuptuar nga të gjithë ata që LDK i bart. Ne nuk jemi fanatik politik, as nuk jemi militant politik. P.sh rugovizëm është kur një sukses të bën më të përgjegjshëm sesa arrogant, sikurse shohim në partitë e tjera”.
“Ta zhvillojmë demokracinë që është shtyllë, e cila për Ibrahim Rugovën dhe LDK’në, është e vlefshme për pavarësinë e Kosovës. LDK’ja do të ecë pa u ndalë, sepse është parti që nuk ka as zgjidhje as zgjedhje pa të. LDK ka qenë themelues të Republikës së Kosovës, kjo e fundit është kompromis i kohës për të zgjidhur të drejtat në Ballkan. Ne kemi ditur të ecim prapa Rugovës. Por, sot e asaj dite, ne kemi dhimbje nga humbja e presidentit Rugova”.
Ai tha se pa LDK-në nuk ka as zgjedhje dhe as zgjidhje