Kryeministri i Kosovës, Albin Kurti ka reaguar për vrasjen e dyfishtë në Pejë në mbrëmjen e sotme.
Kurti ka ngushëlluar familjet e viktimave për humbjen e të dashurve të tyre dhe ka ftuar organet e rendit ta zbardhin rastin sa më parë në Facebook.
Postimi i plotë:
Sonte u tronditëm nga ngjarja e rëndë që ndodhi në qytetin e Pejës. Sipas konfirmimit zyrtar të Policisë së Kosovës në vendin e ngjarjes kanë mbetur të vrarë dy qytetarë të vendit tonë, kandidati për kryetar të komunës së Pejës, A. A., dhe, ish kandidati për kryetar të Deçanit, B. K., të dy nga radhët e Partisë Demokratike të Kosovës.
U shpreh ngushëllimet më të sinqerta familjeve të viktimave, miqve dhe bashkëpunëtorëve nga Partia Demokratike e Kosovës. Në këto momente të vështira bashkëndjejmë me dhimbjen e tyre për këtë humbje kaq tragjike.
Ftoj organet e rendit që me seriozitetin më të lartë, sa më parë të zbardhin rastin e kësaj vrasje të dyfishtë.
Klikoni KËTU për tu bërë pjesë e kanalit të TV Prizreni në Youtube.
