Gjatë qëndrimit në New York, kryeministri i Republikës së Kosovës, Albin Kurti, bashkë me delegacionin, familjen Bytyqi, kryebashkiaken e Fairview City, Violetta Berisha, përfaqësues të Ligës Qytetare Shqiptaro-Amerikane dhe pjesëtarë të komunitetit shqiptaro-amerikan, bëri homazhe dhe vendosi lule të freskëta te varrezat e tre vëllezërve Ylli, Agron dhe Mehmet Bytyqi, të vrarë nga aparati shtetëror serb më 1999.
“Ylli, Agroni dhe Mehmeti janë tre dëshmorë të kombit, janë tre shqiptarë, janë tre amerikanë, janë tre luftëtarë të lirisë, të cilët sakrifikuan gjithçka për lirinë që ne e gëzojmë dhe për shtetin që ne e kemi”, tha kryeministri Kurti.
