Kryeministri i Hungarisë, Viktor Orban, i ka bërë thirrje Serbisë dhe presidentit të saj, Aleksandar Vuçiq, që të lirojë tre policët e Kosovës të cilët autoritetet serbe i rrëmbyen më 16 qershor në brezin kufitar Kosovë-Serbi.
“Për tre policë të Kosovës, ju lutem i dashur Aleksandër, mendojeni, armiqtë mezi presin ta dëmtojnë Serbinë, është një rast i tillë në të cilin mendoj se do të ishte mirë të dëgjoni rekomandimin e Hungarisë dhe të ja ktheni ata tre shqiptarë Kosovës. Mendoj se kjo do të ju ndihmonte për të çuar përpara kauzën tuaj. Prandaj, po ju kërkoj të mendoni për këtë”, tha i pari i qeverisë hungareze.
