Ministrja e Jashtme e Finlandës, Elina Valtonen ka arritur në Kosovë. Ajo është pritur në aeroportin ndërkombëtar “Adem Jashari”, nga ministrja e Jashtme dhe e Diasporës, Donika Gërvalla dhe ambasadori i Finlandës, Matti Nissinen.
Fotografitë nga ardhja e ministres finlandeze i ka publikuar Ambasada e Finlandës në Kosovë. Gjatë kësaj vizite Valtonen do të ketë takime me drejtues të institucioneve të Kosovës.
Ajo fillimisht do të pritet nga zëvendëskryeministrja dhe ministrja e Punëve të Jashtme dhe Diasporës, Donika Gërvalla, ku pas takimit do të mbahet konferenca për media.
Ndërkaq në orën 15:00, Valtonen do të pritet në një takim nga kryeministri Albin Kurti.
